No.6331/2020-2021
Dated Serchhip, the 22nd October, 2020: Pu Kumar Abhishek, IAS, Deputy Commissioner Serchhip District chuan COVID-19 hri inkai darh zel tur ven nan leh mipuite kan lo him tlan zawk nan a hnuai ami ang hian hriattirna a chhuah.
Serchhip District chhungah COVID-19 positive case lo darh zel tur ven nan leh mipuite kan lo him tlan zawk nan a hnuaia tarlante hi zawm theuh tura ngen leh hriattir kan ni e:
1. Mitthi vuina, lungphun, inneihna (man hlan, inneih inkhawm leh reception), anniversary, pawl thila kalkhawm leh puipunna reng rengah mi 50(sawmnga) aia tam pun khawm khap a ni. Hei hi mi tinin zawm ngei tur a ni. Puipunna buatsaihnaah reng reng a tel leh kalte chhinchhiahna kimchang register chu a huaihawttuten an vawng ngei ngei tur a ni. Hengte hi zawm a nih leh nih loh Village Level Task Force-ten an en zui thin ang.
2. Sorkar thupekin a sawi angin pawn (vantlang/puipuna hmun, dawr, office, damdawi-in, clinic) chhuak tur reng rengte chuan hmai tuamna (face mask) hmangin hmai an tuam ngei ngei tur a ni. Hmai tuam hi mahni leh midang himna atan a pawimawh avangin mi dang nen awm honaah vuah ngei tur a ni. Heng ruahmannate zawm lo chu dan anga lei chawi leh hrem an ni ang.
3. Vantlang hmun leh dawr kalte leh puipunnaa kalte chuan social distancing an zawm ngei tur a ni. Hei hi dawr neitu leh dawrtuin an vawng reng tur a ni.
4. Veng/khaw tin VLTF ten sorkar dan siamte mipuite’n an zawm that theih nan hma an la tur a ni.
5. Sorkar dan siamte kan zawm that loh hian midang tana harsatna siamtu kan ni thei tih hriaiin Sorkarin dan a siamte zawm vek tur a ni.
