No.3518/2021-2022

Aizawl, the 28th, December, 2021: Pu Kumar Abhishek, IAS, District Magistrate, Serchhip District, Serchhip chuan 144 CrPC, 1973 in thuneihna a pek angin hetiang hian thupek a chhuah.

Halpuah leh halmawite hian nasa takin mihring hriselna a tichhe theiin, boruak ati tihchhiat leh tih bawlhhlawh mai bakah ri bengchheng a siam a, silai lem a mu nei chite hian mihring piansualna a thlen tak fo bakah tul lova sum khawhralna a ni bawk. Tin, tunlaiah COVID-19 hripui leng avangin hetiang halpuah leh halmawi halte hian boruak a ti bawlhhlawh in mihring hriselna atan thil pawi a thlen thei a. Chuvangin, Serchhip District mipuiten hriselna tha tak kan lo neih theih nan leh sum leh pai tam tak kan khawhral loh nan heng hunpui kan neih - Krismas leh Kumthar hlim tlang tak leh thlamuang taka kan hman theih nan khapna thupek chhuah tulin ka hria a.

Serchhip District huamchhungah Kum 2021 Krismas leh Kum 2022 Kumthar vuakvetah-

1. Halpuah, halmawi, sky lantern leh puaktheithil dang, boruak thalo siam thei leh ri bengchheng siam thei chi reng reng lakluh, zawrh, hralh, hal leh hman khap tlat a ni.

2. Naupang silai lem a mu hmang chi reng reng lakluh, zawrh leh hralh khap tlat a ni.

He thupek hian thu leh awm hma chu puan a nih (27th December, 2021) atanga thlahnih(2) chhung a huam ang.