No.4057/2021-2022

Aizawl, the 21st February, 2022: Vawiin hian Serchhip District Task Force on Beti Bachao Beti Padhao (BBBP) te chu an Chairman Pi Nazuk Kumar, IAS, bawrhsap hovin an thukhawm a, kumin sawrkar kum kal meka BBBP Action Plan atana First Instalment kalpui dan tur an duang.

Sawrkar kum 2021-22 kal meka BBBP kalpui dan tur Action Plan hi duan fel vek tawh niin Ministry of Women & Child Development pawhin a lo pawm vek tawh a. He Action Plan ah hian Rs. 50 lakh hmanga hmeichhe naupangte venhimna leh lehkha an zir ngei theih nana district chhunga hmalakna turte duan a ni. Tun hnaiah Action Plan a taka kalpuina tur sum thawhkhatna a rawn thleng a, heng sum dawn chin chin hmanga hmalak dan tur hmasate vawiin hian an rel a ni.

Hmalakna tur tlangpuite chu, visual media campaign chi hrang hrangte, Sensitization Training te, National leh International Day lawmna lam te, nu naupaite tanpuina te, district chhunga fanu thar en sakte, zirna in hrang hranga hmeichhe naupangte chawikanna lam hmalakna hrang hrangte, district chhunga hmeichhe naupang hriselna endikna te a ni hlawm a, a thawh khatna zawh a nih ve leh a thawh hnihna atana inbuatsaih leh nghal thei turin chak taka hmalak an rel a ni.