No.4056/2021-2022

Aizawl the 21st February, 2022 : Hnahthial District Magistrate Pu R.Lalremsanga chuan ahnuaia tarlan angin thupek Dated 18/01/2022 khan a ti chhuak.

District Animal Husbandary & Veterinary Department, Hnahthial atanga thu kan dawn angin State chhung leh State thenawm leh Myanmar- ah te Vawk natna African Swine Fever (ASF) a leng mek tih hriat a ni a. He natna hi natna hlauhawm tak, inkaichhawn awlsam tak, a venna (Vaccine) leh enkawlna damdawi awm lo niin Vawk, Sanghal leh Vawksa atanga eitur siam atang te a inkaichhawn theih a ni. He natna hlauhawm tak hian Hnahthial District chhung pawh chen chilh mekin vawk tam takin an thih phah tawh a ni.

The Prevention & Control of Infectagious Diseases in Animal Act 2009 Section 7 and 9 in a sawi angin Hnahthial District chhungah khuah khirhna thupek chhuah a lo tul ta a.

Chuvangin, Pu R.Lalremsanga,District Magistrate,Hnahthial District chuan Section 144 of Cr.P.C. 1973 in thuneihna a pek angin a hnuaia tarlan ang hian thupek a chhuah :

1) Hnathial District chhungah India ram pawn/State pawn/District pawn atangin vawk,vawksa leh vawksa atanga siam thil reng reng lak luh phal a nilo.

2) Tualchhung Vawk talh reng reng ten Vawk hrisel tha ngei a ni tih finfiahna Veterinary Officer,Hnahthial hnen atangin an nei ngei tur a ni. Vawk thi reng reng paih mai lovin thuk takah phum thin tur a ni.

3) Vawk damlo nei reng reng ten a rang thei ang berin District Veterinary Officer/Veterinary Officer hnenah report thin tur a ni.

4) Vawk talh tur reng reng in mahni veng chhunga President, Village Council te hnenah an talh na hmun tur leh an talh hun te hrilh hriat hmasak tur a ni.

He thupek zawm lo chu IPC Sec.188 hmanga hrem an ni ang a. He thupek hian chhuah anih tanga thla 2 (hnih) chhung a huam ang.