Vawiin chawhma dar 11:00 khan Hmar Veng YMA Hall-ah Serchhip District chhunga khaw hrang hrang a mi, Soil & Water Conservation Department hnuaia hmunphiah leh coffee thlangtu chhungkaw 315 te hnenah Rs. 139,01,200/- sem a ni.

He hun hi Pu H.L. Chungnunga District Soil & Water Conservation Officer chuan a kaihruai a, kut hna thawktute chu taima leh phur taka thawk tur te, hmunphiah leh coffee chu market tha a nih thu leh he tanpuina hmanga sawrkarin mi harsate chawi kan a tum zia te thahnem ngai takin a sawi a, zawhna leh chhanna hun pawh hman nghal a ni.

He hunah hian hmunphiah chingtu chhungkaw 260 hnenahRs. 48,220/- theuhin sem a ni a, tin coffee chingtu chhungkaw 55 te hnenah Rs 24,800/- theuhin sem a ni bawk. Tanpuina hi bank kaltlanga sem a ni a, department lamin an account lama an lo thun fel sak thlap tawhna pass book an sem a, lam hla deuh pass book submit ve hman ta lo mi tlemte hnenah chauh tangka fai chuan sem a ni. A dawngtute lam pawhin inchhuh luih ni si lo, pawisa nawi remchan loh leh thil dangte avanga kim lo deuh hleka lak thin awm tawh lova, a bo a bang awm lova an account-a thunfel sa thlapa an dawng chu lawm awm an tih thu an sawi hlawm a ni.