Vawiin chawhma dar 11:00 khan Serchhip District Sericulture Office-ah Serchhip khua leh a chhehvela pangang khawia eizawtu thlan chhuah chhungkaw 50 te tan Training cum Awareness Campaign neih a ni a, District Sericulture Officer Pu V. Zohminga’n a kaihruai a ni.

He hun hmang tur leh zirtirna rawn pe tur hian Central Silk Board (CSB) atangin Dr. Lalthlamuana Pachuau, Scientist ‘B’ leh Nabaram Saikia, Technical Assistant te an lo kal a, zawhna leh chhanna mai bakah sawihona leh exhibition te pawh neih nghal a ni a, he huna tel ten hlawkpui an inti hle a ni.

He training Cum Awareness Campaign-a zirtirna petu Dr. Lalthlamuana Pachuau chuan pangang vulh chu eiawnna tling leh hlimawm tak a nih thu te, thar chhuah hralhna lama harsatna awm lo leh innghah ngamna a nih thu te a sawi a, pangang vulhtute tana ham?hatna leh hlawk zawka tharchhuah tih pun dan tur leh hmasawnna tur tam tak awm te a sawi bawk a ni.