SAD-in Minister-te leh Parliamentary Secretary-te motor nei tha lote tana motor thar lei sakna tura Rs. 341.50 lakhs a ruahman chungchangah mi thenkhatten a tulna leh mamawh a nihna an hriat chian loh avangin sorkar demna thu nasa takin an tlangaupui mek a. Motor thar lei hi thil chuangtlai leh sum renchem lohna vang a ni lova, tul leh mamawh a nih avang zawkin a leina tur sum hi ruahman a dah a ni.
Government of Mizoram, General Administration Department Notification No.F.15015/6/2003-GAD dt. 26.10.2007 chuan Mizoram sorkar hnuaia Department hrang hrangte motor kawl theih zat a bitukah chuan SAD chuan motor kawl thei chin VIP leh a supporting Staff te leh Officer motor dawng thei chin bithliah mil in motor 100 kawl thei tura tih a ni.
GAD Notification ang chuan SAD in motor a kawl theih dan chu hetiang hi a ni : Chief Minister tan motor - 5 ; Minister/Vice Chairman mi 12 tan motor - 3 theuh, Adviser mi 5-te tan motor 1 theuh, Chief Secretary tan - 2 ; Principal Secretary atanga Joint Secretary mi 35-te tan motor-1 theuh leh Protocol & Hospitality tan -2 ; Comptroller, Civil Aviation tan 2 ; Standby vehicle for Secretary te tan 4 leh SAD Pool tan- 6; a vaiin motor 100 GAD Notification in SAD chu Motor 54 (Ministers & Supporting tel lovin) kawl thei tura phalna a pek mek laiin motor dawng thei, pek ngai motor dawng thei, mi 10 zet chu motor pek tur a nei lova, heng official mi 10 te hian an dawn tur angin motor tun thlengin an la dawng lo a ni.
Tuna SAD motor tam zawk official-ten an hman mek ho hi kum 7 atanga kum 15 a upa te an ni hlawm tawh a. Motor 8 te chu condemnation tih mek a ni a, a dang 15 te pawh condemn tura hmalak mek a ni. VIP te hi an zin nasat avang leh Security thilah motor tha an mamawh tih hre hreng chungin GAD Notification in a phalsak angin VIP 1 hian Rs. 13.00 lakhs man ve ve motor dawng thei mahse, an mamawhna phuhru tho si, man tlawm zawk leh tha tho bawk si, car (Verna) atan Rs. 9.60 lakhs leh Support Vehicle (Bolero) Rs. 7.96 lakhs man chauh lei sak tura ruahman a ni. Hemi a nih avang hian SAD chuan car pakhat zel a leina ah Rs. 3.40 lakhs leh support vehicle leinaah Rs. 5.10 lakhs a hum thei a ni. Minister 1 leh Parliamentary Secretary 2 te Support vehicle chu la hman tlaka ngaih a nih avangin thlakak an ni dawn lo. Tin, Minister te leh Parliamentary Secretary te motor lei sak an nih hian an hmanlai mekte chu SAD hnuaia official tam tak, motor dawng pha chin, la dawnglote hnenah pek leh chhawn a ni dawn a ni.
Chuvangin, Minister te leh Parliamentary Secretary te tana motor lei ruahmanna hi tulna leh mamawhna vang liau liau a SAD in a ruahman a ni. SAD hian Rs. 341.50 lakhs hi motor thar leina turin ruahmanna siam mah sela, a tul ang te lei a nih a, a la bang chu tul dangah hman a ni ang. Mipuite pawhin hei hi an lo hriat theuh SAD chuan a duh takzet a ni.
