Serchhip District Agriculture Office buatsaihin vawiin chawhma dar 9:30 khan Mat phaia Oil Palm Nursery ah NLUP Oil Palm tiak thawn chhuah a ni a, he hun hi Dr. C. Lalzarliana, Agricultur Director (CH) chuan khuallian niin a hmanpui a, Oil Palm tiak thawnchhuah tur phur tu truck pariat te chu a vailiam (flag-off) nghal bawk a ni.

Vawiina Oil Palm tiak an semchhuahte hi Thenzawl Area a NLUP beneficiary te hnena pek tur a ni a, District chhung khaw hrang hrangah pawh a tahtawla pek vek tur niin heng khaw dangahte hian a rang lama semchhuah nghal vek tura ruahmanna kalpui mek a ni bawk.

Kum 2012-13 chhunga NLUP hnuaia khaw hrang hranga Oil Palm tiak semchhuah tur leh beneficiary tur ruahman zat leh a chinna atana ram ruahman zau zawng chu hetiang hi a ni : Khua/veng - Beneficiary zat - No. of Seedling - Area (in Ha) 1.) Thenzawl E - 6 - 900 - 6.29; 2.) Buangpui - 2 - 300 - 2.10; 3.) New Serchhip - 3 - 450 - 3.15; 4.) Serchhip-I - 11 - 1650 - 11.54; 5.) Serchhip-II - 10 - 1500 - 10.49; 6.) Serchhip-III - 35 - 5250 - 36.71; 7.) Serchhip-IV - 17 - 2550 - 17.83; 8.) Thenzawl W - 159 - 23850 - 166.78; 9.) Khumtung - 6 - 900 - 6.29; 10.) Bungtlang - 48 - 7200 - 50.35; 11.) Keitum - 69 - 10350 - 72.38 12.) Khawlailung - 2 - 300 - 2.10; 13.) Darlawng - 1 - 150 - 1.05; 14.) Chhiahtlang - 12 - 1800 - 12.59; 15.) Baktawng-V - 3 - 450 - 3.15; TOTAL 384 - 57600 - 402.80

Hei bakah hian kum 2012-13 chhung hian IWDP-IV, Serchhip kaltlang in chhungkaw 41 hnenah Oil Palm tiak 6150 semchhuah tura ruahman a ni bawk.

Vawiin a Oil Palm tiak thawnchhuah inkhawm hi Pu R. Laldaihzauva, Chairman DOPZC in a kaihruai a, Pi Lallawmzuali, AEO in Technical Report pe in, Pu Lalremngheta Kawlni, Nursery Officer,3F Agrotech in Nursery Report a pe bawk a ni.