2172/2022-2023
Dated Serchhip, the 4th October, 2022: Vawiin khan Serchhip DC Meeting Hall ah Pu Lalmuansanga Ralte, Deputy District Election Officer hovin mi pawimawhten Rationalisation of Polling Stations, 2022 chungchang relin an thukhawm a. District chhunga Polling Station siam rem leh tihbelh ngai pakuate siam rem an rem ti tlang.

Pi Lalrinchhani Ralte, Election Officer chuan nakkum hi inthlanpui kum a lo nih leh tawh avangin Election Branch lam chuan inbuatsaihna an kalpui tan tawh tih a tarlang a. Chumi kal zelah chuan Election Commission duhdan angin Polling Stations chin fel ngaite chin fel hna pawh neih a ni, a ti. Vawiina Polling Station pakua han siam rem deuh ngaite chu a hmuna tlawha endikna an kalpui vek tawhte leh a huam chhunga awm Party te pawhin remtihna an pek vek tawhte an ni a, district committee in a pawmpui chuan thuneitu sang zawkah thawn mai tawh tur a ni, a ti.

Meeting hian Serchhip I polling station atana Govt. Darnam Primary School lo hman thin chu LM Middle School a thlak a rel a, hei hi school pahnihte an lo inchhunfin tawh vang a ni. Electoral Roll-a Serchhip IX huam chhunga voters te hming inziahna Section pahnih chauh awm thin chu Section pathuma siam a rawt a, Leisang veng, AOC veng leh Venglai, Bazar veng tihtein ziahkai an ni tawh ang.

Tuikum biala Darlawng Polling Station atana Govt. Primary School hman thin chu Govt. Middle School a sawn a rel a. Tlungvela Polling Station pahnih awm thin pawh voters an lo pun belh zel avangin Polling Station pathumah tihpun a rel a ni. Tlungvel I polling station chu Govt. Tlungvel M/S-I a ni ang a, Tlungvel II polling station thar chu Govt. Tlungvel P/S-II niin Tlungvel III polling station chu Govt. Tlungvel P/S-III a ni ang. Hetiang bawk hian Baktawng pawh Baktawng I polling station atan Govt. Baktawng P/S-II leh Baktawng II polling station atan Govt. Baktawng M/S -II ah te thendarh a ni.

Hrangturzo bial lamah Keitum I polling station Govt. Keitum P/S -III chu National Highway 54 laihzauh hna thawh mekin a nghawng tel avangin Govt. Keitum P/S- I an sawn an rel a. Mualcheng khua Polling station pakhat awm thinna pawh polling station pahniha siam relin, Mualcheng I, polling station atan Govt. Mualcheng P/S-I leh Mualcheng II polling station atan Govt. Mualcheng M/S te chu siam a ni. Lungkawlh Polling Station ni thin Govt. Primary School chu Govt. Lungkawlh Middle School ah sawn an rel bawk.

Polling station thar siam belhte khi Summary Revision of Electoral Roll thar berah voters 1000 aia tam nei tharte an ni hlawm a. Election Commission chuan polling station pakhatah voters mi 1400 thleng awm remti mahse vote thlak niah zan rei tak tak thlenga vote thlak tura intlar a ngaih loh nan Serchhip district ah chuan voters 1000 tlinna khuate chu polling station thar siam sak nghal zel an ni thin a ni.

Hengte nen hian kumin atang chuan Serchhip bialah Polling station 29, Tuikum biakah 32 leh Hrangturzo bialah 27. A vaiin polling station 88 leh BLO 88 an awm tawh dawn a ni.

Attachment

  • Loading attachment...