2374/2024-2025

Dated Serchhip, the 4th October, 2024: District Level Standing Committee on Rationalization of Polling Station chu Serchhip District chhunga polling station thlak leh sawn tura rawtna awmte thlirhovin vawiin chawhnu khan Serchhip DC Pisapui Meeting Hall-ah DC Pu Paul L.Khuma, District Election Officer hovin an thukhawm.

26/13-Serchhip-III ah hian Chhim Veng Primary School building hlui chu Polling Station atan hman mek a ni a. A building hi a tlakbal nasat tawh avang leh a panna a hlat avangin Modern Middle School CRC, Chhim Veng chu Polling Station thar atan rawtna a lut a. 

27/31 Vanchengte ah Polling Station atana hman mek Government Primary School chu a hmunhma a that tawk loh avang leh a panna a hlat avangin Government Middle School ah sawn ni se tiin rawt a ni a.

28/10-East Lungdar-I Polling Station atana hman mek BDO Conference Hall chu Buhzem Cluster Level Federation, SHG Building a thlak rawtna a lut a.

28/13-Chekawn Polling Station atana hman mek Govt. Primary School chu PwD voter te tan pan a remchan loh avang leh motor a luh loh avangin Government Middle School ah thlak rawt a ni a.

28/15-Bungtlang-II a Polling Station hman mek Government Primary School-I chu kawngpui atanga a panna a hlat deuh avang leh kum upa zawk te leh PwD voter te tan pan a harsat avangin kawngpui an maia awm Government High School ah thlak rawt a ni.

Committee chuan rawtna hrang hrang lut te ngun takin an sawiho a. Heng hmunhma te hi ERO/AERO ten a hmunhma endikin an zirchiang tawh a. Heng rawtna lut zawng zawng te hi meeting chuan a pawmpui a, CEO, Aizawlah pawmpui tura thawn ni se, tiin an rel a ni.

Vawiin meeting-ah hian political party hrang hrang aihawh te; YMA leh MUP aiawhte; Addl DC Pu Lalrinzuala bakah Election Officer, ERO, AERO, BLO, DIPRO leh MJA aiawh te an tel bawk a ni.