No.1994/2020-2020
Dated Serchhip, the 13th June, 2020: Dr. Lalzirmawia Chhangte, IAS, District Magistrate chuan tunlaia vawk hri leng laka kan him tlan theih nan a hnuai ami ang hian vawk lakluh khapna thupeka chhuah:
District AH & Vety Officer, AH & Vety Department, Serchhip District hnen atanga lehkha kan hmuh angin tunlai hian thenawm ram leh state ah te Vawk hri, African Swine Fever (ASF) leng mek a. Hemi hrileng avanga Serchip District mipuite tan buaina/harsatna a thlen loh nan, District Magistrate Serchhip in Section 144 Cr Pc hmanga khapna thupek chhuah hi thil tul tak, tih loh theih lohah ka ngai a ni.
Chuvangin Kei, Dr. LALZIRMAWIA CHHANGTE, IAS, District Magistrate, Serchhip District hian Section 144 of Cr.PC 1973 in thuneihna min pek angin a hnuaia thupekte hi ka chhuah e.
- Thenawm ram (neighbouring states/country) leh District dang atanga vawk, vawksa leh Vawksa atanga eitur siam reng reng lakluh leh thawnchhuah khap tlat a ni.
- Vawk thi reng reng paih mai lovin thuk takah phum thin tur a ni.
3. Vawk talh tu te'n vawk hrisel tha chauh an talh thin tur a ni.
4. Vawk neitute'n vawk damlo an hralh tur a ni lo.
He thupek hian thu leh awm hma chu puan a nih atanga thla hnih (2 months) chhung a huam ang.
He thupek zawm lo chu Section 185 IPC dan hmangin hrem theih an ni ang.
He thupek hian Sorkar atanga phalna neite a huam lovang.
He thupek hi vawin Dt. 12th June, 2020 hian District Magistrate Seal chhu a nemnghetin ka hming ka ziah hnan e.
