No.3250/2021-2022 
Dated Aizawl, the 2nd, December, 2021: African Swine Fever (ASP)-in Serchhip District-ah April, 2021 tawp lam atanga min luhchilh avangin, a hri a darh zel lohna turin The Prevention and Control of Infectious and Contagious Disease in Animal Act 2009 hmangin hmun tam tak infected area-a puan a ni a. Serchhip District khaw tam zawk chu he hri hian tuam chhuak tawhin tunah chuan hmun tam takah ziaawm lam a pan ni a hriat ni a. Hei bakah hian infected area-a vawk engemawzat hri la kai lo ni a hriat a awm avang leh vawk vulhtute harsatna sutkian a nih theih nan vawk talh dan leh phurhsawn dan tur ruahman a ni a. Pu Kumar Abhishek,IAS, District Magistrate, Serchhip District chuan Sec 144 CrPC 1973 in thuneihna a pek angin a hnuaia thupek hi a chhuah.

1) Vawk hrisel tha ni a hriatte chu Village Council hriatpuina leh phalnain talh theih ni ang. VC-ten a neitu hming, address, phone number, vawk talh zat record tha takin an vawng tur a ni.

2) Vawk talhtu/puahtuten fimkhur takin an talhna hnuhma tha takin an tithianghlim tur a ni. Vawk thisen leh ningnawite halral/phum bo emaw damdawi emawa kah thianghlim tur a ni. Anmahni leh thawmhnawte pawh tha takin an tifai/silfai leh tur a ni.

3) Serchhip District chhung bikah chuan hri awm lohna khuaahte vawk lakluh leh thawnchhuah phal a ni a, tualchhung vawk ngei a ni tih hriatpuina VC lehkha leh Animal Health Certificate, Veterinary Official te hnen atangin an nei ngei tur a ni. Heng baka tul dang awmte chu A.H. & Vety Dept. Officials, VC, Sub-Hq YMA leh Sa Zuar Association ten ni 15.11.2021 a ruhmanna an siam hi thu leh awm hma chu hman chhunzawm tur ani.

He thupek hian Chhuanthar Tlangnuam, Baktawng, Thentlang leh Sialsir khuate a huam lo ang.

He thupek hian Order chhuah anih atanga thla 2 (two months) chhung a huam ang. He thupek zawm lo chu Section 188 IPC dan hmangin hrem theih an ni ang.

He thupek chhuah hian-Order No. J. 12017/2/2017-DC(SRCP)/495 dt.18.11.2021 a thlakthleng bawk ang.