Land Revenue & Settlement Department, Serchhip District buatsaihin vawiin khan Serchhip DC Conference Hall ah Distrcit chhunga Village Council hrang hrangte pualin NLUP Beneficiaries (3rd&4th phase) te tan a ram inpek dan chungchang inzirtirna "One Day Training on Allotment of Provisional Permit to NLUP Beneficiaries" neih a ni a, District Bawrhsap Dr Lalrozama IAS chuan khuallian niin a hmanpui.

Training hawngtu District Bawrhsap chuan Village Council member kalkhawmte hma ah thu sawiin Mizoram Sawrkarin a kalpui mek NLUP Scheme hian ram chereu zel tur venhim hi a ngaipawimawh em em a, ram tha tak tak kan la neihte NLUP Scheme hmanga tangkai taka hman tur atana inpek dan chungchang thu ah leh mimal in hmun, lo ram inpek thu ah te,Village Council te an pawimawh em em a; Revenue Department kut leh ke pawimawh tak anni a ti a, Sawrkar Department te nen thawhhona tha tak nei a, Training kaltlanga an thil zir thar te chu khawtlang mipuite tana a tak a hmang chhunzawm nghal thei tura uluk taka an rilru pe tura chahin, Serchhip District chu In hmun lo ram chungchanga thubuai neuh neuh awmlo tur a felfai taka hma la turin leh District dangte entawntlak a siam turin Serchhp District chhung khaw hrang hrang atanga VCP kalkhawm te chu a chah bawk a ni.

Vawiin Training hi Pi B Malsawmtluangi, MCS, Assistant Settlement Officer, Serchhip in a kaihruai a, Pu M Lalchhuanmawia Assistant Survey Officer, Serchhip in Department hmachhawp tlangpui te sawiin, Resource Person pahnih: Pu Dengthantluanga, Surveyor leh Pu F Lalthlengliana, Surveyor, Land Revenue & Settlement Department, Serchhip ten Serchip District chhung khaw hrang hrang atanga VCP kalkhawmte hi Training an pe a ni.

Vawiin ram inpek chungchang Training ah hian Serchhip District chhung a khaw hrang hrang atangin Village Council hruaitute te an tel tha hle a ni.