Vawiin hian Pi Lalnunmawii Varte, MPS, SDPO Serchhip kaihhruaiin Serchhip District chhunga Police Station hrang hranga thubuai khawihtuten kum 2017 chhunga thubuai an neihte thlirletin, hmalak dan turte sawihona leh infuih tharna hun (Crime Review) an hmang.

SDPO chuan sawrkar chhawr lai kan ni a, hlawh laa thawk kan ni tih hre rengin taima taka hnathawk tur kan ni, a ti a. Sawrkar kutke kan nih ang ngei a kan mawhphurhna hlen chhuak turin theihtawp i chhuah thar ang u, tiin Police Officer te a chah a ni. Thubuai a awm reng rengin engkim ziakin kan chhinchhiah fel vek tur a ni a, thuhretute pawhin engkim chiang takin min hriatpui theih nanhma kan la thin tur ani, a ti bawk.

He hunah hian January 2017 leh December 2017 inkara thubuai ziahluh hrang hrang te thlirlet a ni a, he mi chhung hian Serchhip Police Station-ah thubuai 175, Thenzawl Police Station-ah 49 leh N. Vanlaiphai Police Station-ah thubuai 10 ziah luh an ni a. Heng zingah hian MLPC Act hmanga thubuai ziah luh tam berin, thubuai 141 ziah luh a ni. Burglary case 22 ziah luh niin POCSO case ah 10 ziah luh a ni bawk a ni. Heng thubuai ziah luh chin fel loh a awm mek te hi chak zawka kalpui anih theih dan turte sawi hovin infuihtharna hun hman a ni.

Vawiina meetingah hian District chhung Police Station 3 atangin Prosecuting Inspector 1 leh Investigating Officer 8 an tel a ni.