Serchhip District Deputy Commissioner kalchhuak tur, Pu P. Lalchhuanga chuan Vawiin chawhma dar 11:00 khan Pu Lalsangliana, Addl. DC hnenah charge a hlan.

Serchhip District Bawrhsap, Pu P. Lalchhuanga hi School Education Department-ah Director hna chelh tura sawn a ni a, Vawiin khan sawrkar in Order a chhuah angin District Bawrhsap hna lo chelh lailawk tur, Pu Lalsangliana, Addl. DC hnenah hian Bawrhsap mawhphurhna hi a hlan a ni. Bawrhsap kalchhuak tur Pu P. Lalchhuanga chuan Serchhip-a kum khat leh thla hnih (2) a awm chhunga Officer hrang hrang, tlawmngai pawl, Kohhran hruaitute leh mipuite nen thawhhona tha tak an nei chu lawmawm a tih thu sawiin, hetiang thawhhona tha an neih ang hi Bawrhsap hna lo chelh zel turte nen pawh chhawmnun zel nise a duh thu a sawi a, Serchhip-a a awm chhunga hma an lakna hrang hrang, a bikin Rate Control chungchang te, Faina leh thianghlimna chungchang leh NLUP chungchanga an hmalakna te pawh tha taka chhunzawm zel nise a duh thu a sawi bawk.

He hunah hian District Bawrhsap hna chelhtu tur, Pu Lalsangliana, Addl. DC pawhin DC Office-a Officer leh thawktu dangte tanpuina zarah harsatna tawk lova an kal theih a beisei thu a sawi bawk.

Vawiin a District Bawrhsap charge inhlanna neih zawh anih hnu hian Bawrhsap kalchhuak, Pu P. Lalchhuanga leh a chhungte hian Helicopter hmangin Aizawl an pan nghal a ni.

Attachment

  • Loading attachment...