Election Commission of India-in kan hma lawka Mizoram Legislative Assembly inthlan lo awm tura Serchhip District tana Expenditure Observer tura a ruat Mohammad Ghayas Uddin, IRS hovin vawiin tlai dar 3:00 khan Serchhip DC office chamber ah, Serchhip Bawrhsap, District Election Officer ni bawk Pi Juhi Mukherjee, IAS kaihhruaina hnuaiah Serchhip District chhunga Expenditure Monitoring Mechanism hrang hrang te nen inkawmhona hun pawimawh tak hman a ni.

Election Expenditure Observer chuan inthlan lo awm tur Candidate te tangka senso vil tura ruat Expenditure Monitoring Mechanism hrang hrangte inbuatsaih dan rawn enfiah hmasa tura rawn kal anih thu a sawi a; Accounting Team te chu an hnathawh tur hrechiang a bel hle tura chahin an hriatthiam loh leh harsatna ah te in rawn tlan hreh lo turin a hrilh a ni. Constituency hrang hrang vil tura ruat Assistant Expenditure Observer te chu candidate te Shadow Expenditure a pawisa an ziahluh dawnin fimkhur taka ti thin tur leh documentary evidence tan chhana ziak lut ngei thin turin a chah a, evidence an lakkhawm te chu dah tha tlat a candidate te Expenditure Register leh Shadow Expenditure Register te Election Commission of India hnen a thlen hun pawha rin tlak turin vawng tha turin a chah a ni. Assistant Expenditure Observer te chu an hna tha taka thawk thei tur chuan an bial chhunga Expenditure Monitoring Team hrang hrang te hrechiang tur leh inbe pawp reng turin a chah bawk.

Vawiin thutkhawmah candidate te sum senso chin chhinchhiah dan tur chi hrang hrang sawiho a ni a, Expenditure Observer chuan candidate ten nomination an file hma in an din tumna bialah banner, pamphlet, booklet etc., anmahni hming chuanna emaw an thlalak chuanna emaw an tarchhuak/sem anih chuan Video Surveillance Team ten uluk takin chumi thla chu la in an dahtha ang a, Candidate in nomination a file veleh a Shadow Expenditure Register ah ziahluh nghal tur a ni a ti a, MPF emaw, Tlawmngai Pawl tu ten emaw Joint Platform an siam na a candidate te an tel anih chuan Candidate ten a buatsaih nan sum an seng lo ani tih a chian chuan engmah Shadow Expenditure Register ziah luh a ngai lova, mahse Model Code of Conduct bawhchhiatna a awm leh awm loh vil tel a ngaih vangin Video Surveillance Team te chuan aprogramme kimchang takin an record thung tur a ni a ti bawk.

Expenditure Observer  chuan Returning Officer te chu nomination file leh vote thlak inkarah vawi thum tal Candidate te Expenditure Register an endik tur a ni a, an Shadow Expenditure Register nen enmilin a inmil lo a awm chuan candidate chu insawifiah turin a ti tur a ni a ti a, mimal thahnemngai tu ten emaw anmahni mimal inah party flag an lo tar anih chuan R.O. in show cause notice a pe ang a, an insawifiah theih loh chuan candidate te sum senso anga chhiar a ni bawk dawn a ni.

Expenditure Observer chuan Excise Department chu Zu khuahkhirh chungchangah nasa lehzuala tan la turin a hrilh a; Static Surveillance Team te leh Flying Squad te thawhhopui thiam turin a chah bawk a ni.

Expenditure Observer chuan Accounting Team te chu harsatna an tawhin amah rawn hreh lo turin a chah a, mipuite pawhin complain duh emaw zawhfiah duh an neih pawn a inhawn reng thu leh Serchhip a a awm chhunga a hman tur bika siam Phone no. 8974705159 an biak pawh theih anih tur thu a sawi bawk.