2484/2023-2024

Dated Serchhip, the 25th October, 2023: Serchhip District chhunga Assembly Constituency pathumah hmeichhia ten vote thlak pawimawhzia an hriat a, hmeichhe vote thlak percentage a san theihna turin vawiin khan Serchhip DEO Pu David Lalthantluanga leh Serchhip Sub Headquarters MHIP President Pi Lianthangi ten Serchhip DC Office ah inremna thuthlung an ziak.

MHIP leh DEO inkara inremna hi Systemic Voters Education and Electoral Participation (SVEEP) kaltlanga ruahmanna a ni a. Hmalak ho dan tur ngaihtuah hian SVEEP Nodal Officer Pi Lalnunmawii leh Dr.Zarzosanga ten meeting koin MHIP hruaitute nen a kalphung tur an duang a. MHIP Sub Headquarters, Serchhip te hian Executive Committe ah an pass fel hnuah he inremna ang hian hmalak chhunzawm nghal a ni dawn a ni.

MHIP Sub Headquarters, Serchhip hian an hnuaiah Branch hrang hrang 83 an nei a. Serchhip a Assembly Constituency 3 ah heng MHIP branch hrang hrang te hi an inzarpharh a ni. He inremna ang hian MHIP te chuan an Branch kaltlangin hma an la ang a, social media hmang te, veng chhung chanchinbu kaltlang te, veng chhung information mike kaltlang tein hmeichhe voters te vote thlak tul zia an zirtir thin dawn a ni. Heng bakah hian MHIP branch tin te hian anmahni remhriat dan anga hma la turin zalenna an nei a, vote thlak ni thlengin awareness campaign hi an kalpui dawn a ni.

Inremna angin branch tinte an inel anga. Za zela 80% vote tlakna branch zawng zawngin consolation prize an dawng a nga. 85% chin chunglam vote tlakna branch te zingah a ti tha pakhatna atanga pathumna lawmman siam sak an ni ang a. 90% vote tlakna branch an awm a nih chuan Special Prize siamsak an ni dawn bawk a ni.