4225/2023-2024

Dated Serchhip, the 18th March, 2024: Lok sabha Inthlanpui neih tur atana inbuatsaihna te thlirin Vawiin khan Serchhip-ah District Election Officer Pu David Lalthantluanga hovin Nodal Officer te chu Serchhip DC Meeting Hall-ah an thukhawm.

He thutkhawmah hian District Bawrhsap Pu David Lalthantluanga chuan Election Commission of India in Lok Sabha Inthlanpui neih hun tur chu March 16, 2024 khan a puan tak thu leh Mizoram-ah chuan mipui ten april 19-ah Vote thlakin Vote tla te hi June 4,2024-ah chhiar a ni dawn tih a sawi a, Nodal Officer te chu inthlanna muanawm leh felfai neih a nih theih nana ruahmanna an siam te tha taka hlenchhuak tura theihtawp chhuah turin a chah bawk a ni.

He hunah hian Serchhip SP Pu MS. Dawngkima pawhin inthlanna boruak muanawm a awm theihna tura Police ten theihtawp an chhuah thu sawiin, inthlanna a Duty tur Police hrang hrangte training pawh neih a nih tawh thu leh inbuatsaihna peihfel thawkhat a nih tawh thu a sawi bawk a. Nitin-a Report thehluh tur pawh inthlanpui neih hun tur puan a nih atanga thehluh nghal thin a nih thu a sawi bawk.

Lok Sabha Inthlanpui neih tur atan hian Serchhip District chhunga mawhphurhna nei tur hrang hrangte chu ruat fel an nih tawh thu leh Flying Squad Team leh Expenditure Monitoring Team hrang hrangte pawhin an hna an thawh tan tawh thu he hunah hian tarlan a ni a, Polling Official te tana Training hmasa ber chu March 27, 2024-ah neih tura ruahman niin venhimna hna thawktu tur CAPF leh SAPF te pawh an rawn kal huna an inkulhna tur leh an mamawh te ruahmnan fel a nih tawh thu he hunah hian tarlan a ni bawk.

He thutkhawm ah hian Serchhip Addl. DC Pu James Lalnithanga, Addl. SP Pu Saidingliana Sailo leh Nodal Officer hrang hrangte an tel a ni.