No.7238/2020-2021

Vawiin hian Serchhip DC Meeting Hall-ah Bawrhsap Pu Kumar Abhishek, IAS chuan Serchhip District Electoral Roll Final Publication chu a tlangzarh a, a bu hi District chhunga bial pathuma ERO ten Party hrang hrang aiawh hnenah an hlan nghal bawk.

Pu Kumar Abhishek chuan, kum 2021 January ni 1 a kum 18 tling chinte Electoral Roll ah hian thun an nih thu sawiin Roll tha leh fel fai tak kan neih theih nana rim taka thawktu Election Branch, BLO, ERO, AERO leh Party hrang hrang te, tlawmngaipawlte chunga lawmthu a sawi a ni.  

Pu Vanlalhmachhuana, EO chuan Roll dinhmun tlangpui report a pe a, District pumah General Electors hi mipa 25195 leh hmeichhia 26541, a vaiin 51736 an awm a, Service voters hi mipa 399 leh hmeichhia 2, an vaiin 401 an awm a, tichuan District total chu mipa 25594 leh hmeichhia 26543, an vaiin 52137 an ni. Constituency ang chuan; 26-Serchhip AC ah mipa 9102 leh hmeichhia 10194, an vaiin 19296 an awm a, 27-Tuikum AC ah mipa 8080 leh hmeichhia 8217 an vaiin 16297 an ni. Tin, 28-Hrangturzo AC ah hian mipa 8013 leh hmeichhia 8130, an vaiin 16143 an awm. Tun Special Summary Revision neih chhunga voters punna hi Serchhip AC ah 666, Tuikum AC ah 279 leh Hrangturzo AC ah 218 niin District pum total chu 1163 a ni a, za zela 2.30% pung ang a ni. Bial pathumah hian mipa voters aiin hmeichhe voter an tam zawk vek a, Constituency tina Gender Ratio chu; Serchhip ah 1120, Tuikumah 1017 leh Hrangturzo ah 1015 niin District Gender Ratio chu 1053 a ni. Tin, Elector Population ratio hi kum 2021 a mipui awm tur zat ngaihruatna (projected district population 2021) atanga chhutin 625 a ni.

Tlangzarhna inkhawmah hian Serchhip ERO Pu Kulothungan, IAS, Tuikum ERO Pi C. Lalduhzuali, MCS leh Hrangturzo ERO Pi Dorothy Muansangi, MCS ten an bial chhunga political party tin aiawhte hnenah Roll bu hi an hlan a, kalkhawm ten zawhna leh hriatfiah duh an neih apiangte zawhna hun an nei zui a ni.