1985/2026-2027

Dated Serchhip, the 28^th August 2026: Vawiin khan Serchhip District Headquarters Land Committee chu Serchhip hmun hrang hranga in-hmun leh ram luah dilna 27-te chungchang ngaihtuahin an thukhawm. Committee hi District bawrhsap Pu Paul L. khuma’n hovin Assistant Commissioner, LR&S department Pu Gaston Vanlalhriatpuia’n a kaihruai a, khawtlang hruaitu YMA, VC, Political Party aiawh leh MUP hruaitute meeting-ah hian an tel a ni.

Vawiina dilna case ngaihtuahte hi avaiin 27 niin GAD, Govt. of Mizoramin Land Lease an dilna 1 tih loh a dang 26 te chu House Site dilna an ni. 

Ngun taka sawi ho a nih hnuin GAD, Govt. of Mizoramin Khawtetlang Restricted Area-a ram luah (Land lease) an dilnate chu Committee hian recommend atan a pawmpui a; New Serchhip North VC area-ah in-hmun (house site) dilna 7 te, New Serchhip South VC area-ah 3;   P&E VC area-ah House-ah dilna pakhat; Serchhip Chanmari VC area-ah dilna 2; Hmar Veng VC area-ah dilna 2 leh Chhim veng VC area-a dilna 10 awmte chu pawmpui (recommend) vek niin New Serchhip South VC area-a pakhat erawh chu ennawn leh tura tih a ni.

Serchhip District Headquarters Land Committee chuan mipuite, mahni ram ni lo neih tum emaw, thuneitute remtihna loa mahni duh dana kut lo thlak emawte chu a khap tlat a, chutianga ti an awm a nih chuan dan anga hmalak zel a ni dawn a ni.