1984/2026-2027

Dated Hnahthial, the 28^th August, 2026: Vawiin khan DC Meeting Hall, Hnahthialah Bawrhsap, Pi K. Vanlalruati kaihruaiin Hnahthial District-ah ‘Zirtirtute Ni’ hman dan tur rel a ni a. District Education Officer, Pu Micky R. Lalenkawla chuan Teachers’ Day hman tawh dante tarlangin hman tum dan te chu sawi ho a ni.

Kumin Teachers’ Day hi State Level-a lo rel tawh angin September ni 3-a hman tur a ni a, mahni sikul theuhvah hman ni se ti a rel niin mahni remchan dan anga hman mai ni se tih a ni a. Hemi atan hian State Working Committee on National Foundation of Teachers’ Welfare lo rel tawh angin zirtirtu tin hnen atangin Rs. 300 khawn tur a ni dawn a, Fund raise nana thil zawrh thin chu tih loh tur a ni bawk. 

Zirtirtute zahna pualin Office tiin – “Re-affirmation in honour of Teachers” chu chhiar chhuah ni se ti a rel a ni a, kum tinin zirtirtu titha pakhat tan lawmman – ‘District Award to Teachers’ chu siam thin ni se ti a rel a ni. Lawmman hian silver medal leh Rs. 5000 keng tel tura ruahman niin Republic Day tinah hlan thin ni se tih a ni.

Thutkhawmnaah hian Addl DC, SDO(Sadar), SDEO, Dy. DEO, DIPRO leh khawtlang hruaitute an tel a ni.