2362/2023-2024

Dated Serchhip, the 18^th October, 2023: Kumin November ni 7 a MLA inthlanpui lo awm turah Serchhip District huamchhunga Assembly Constituency pathum a ding tur Candidate pathumin Nomination an file.

Vawiin khan 26-Serchhip (ST) AC-a MNF ticket a ding tur Pu J. Malsawmzuala Vanchhawng chuan RO Pu David Lalthantluanga, IAS hnenah nomination a file a, Serchhip Bial-a Candidate Nomination File hmasa ber a ni.

Vawiin vek khan Tuikum Bialtu MLA ni lai Er. Lalrinawma, MNF pawhin Tuikum Bial RO Pu HD Lalpekmawia hnenah nomination a  File fel bawk a. 28th Hrangturzo AC a ding tur MNF candidate Pu Lalremruata Chhangte pawhin Pu Lalnundika, RO hnenah Nomination a file a ni. 

Heti hian, tun dinhmunah  26th Serchhip AC ah mi pakhat in nomination file felin, 27-Tuikum AC ah 1 leh 28- Hrangturzo AC ah mi 2 in nomination an file fel ta a, naktuk lamah pawh khian Party hrang hrang Candidate ten  Nomination hi file  chhunzawm zel an tum  a ni. Tun MLA inthlanpui lo awm turah hian Serchhip bial ah MNF, ZPM leh Congress candidate bakah hian Independendent in mi pahnih candidate awm tura beisei an ni bawk.