Vawiin khan Banquet Hall, Ashok Hotel, New Delhi ah Ministry of Women & Child Development chuan Pradhan Mantri Matru Vandana Yojana Award semna hun a buatsaiha, Serchhip District chuan lawmman pakhatna dawngin, Women & Child Development Minister Zubin Irani hnen atangin Serchhip Bawrhsap Dr. Lalzirmawia Chhangte, IAS, chuan a dawnga , Bawrhsap hi Pi Vanlalpianpuii, Director, Women & Child Development Department leh F. Hmingthankimi , PMMVY Serchhip District Programme Co-ordinator ten an tawiawm bawk a ni.

He Award hi PMMVY Scheme, India rama kalpui tan 1.1.2017 atanga chhiar tana hnathawk tha ber te hnenah hlan a ni a, Nu fatir pai te enkawlna leh tanpuina hmalakna niin he tanpuina hnuaiah hian nuin Rs. 5000 thleng a dawng theia. Kalpui a nih tirh atangin vawiin thlengin Serchhip district ah nu 1812 hnenah pawisa Rs. 77,66,000 pekchhuah a ni tawh a ni.