1573/2022-2023 

Dated Serchhip, the 12^th August, 2022:Vawiin khan Serchhip District Table Tennis Association Hall ah District Table Tennis Association in an buatsaih Independence Day Table Tennis Tournament chu Pu Lalmuansanga Ralte, Addl. DC in a hawng.

Pu Lalmuansanga Ralte chuan Serchhip district in State Players panga lai a nei thei leh; State level leh National level ah pawh lawmman thahnem tak an lo dawng tawh thin chu a lawmpui thu a sawi a. Hmasawn zel tuma bei sauh sauh turin a chah a ni. Infiamnaah theihtawp chhuah mah ila nitin zirna thlahthlam loh a pawimawh thu sawiin, nun inbuk tawk taka kal a that thu a sawi a, zuk leh hmuam leh ruihtheihthilte tireng chunga infiamnaa hlawhtlin tum chu thil theihloh tluk a ni, a ti bawk. 

A hawnna inkhawm hi Pu T. Hrangsiama, Vice President, SCDTTA in a kaihruaia, Rev. VL. Nithanga'n hunserh hmangin, Pu Zoramthanga Ralte in tecnical report a pe a ni. Tun tum Tournament ah hian catagory hrang hrangah players 113 ten inelna an hmachhawn ang. District TT Association Hall, New Serchhipa Court pathumah khelin ni hnih chhunga zawh hman an tum dawn a ni.