Naktip Dt 8-9 hian Ministry of Sports & Youth Affairs, Government of India Flagship Programme, Khelo India, Serchhip District Competition chu neih tan a ni dawn a. Dt 8.12.2016 zing dar 9:00 a.m hian DC Office tualah Bawrhsapin he Competition hi a hawng dawn a ni.

Khelo India Competition hi India khua leh tui, naupang kum 17 hnuai lamte infiamna lama an talent haichhuah sakna leh a tul anga enkawl zui zelna ruahmanna a ni a, infiamna chi hrang hrang 10 ah inelna hi neih a ni ang. District Levela ti thate hian State Level an hmachhawn zui zel ang.

Discipline hrang hrangte khelhna hmun tur hi Serchhip District Khelo India Executive Committee chuan hetiang hian a ruahman nghal a; Khawtetlang Field ah Football leh Hockey, New Serchhip Indoor Stadium-ah Table Tennis leh Badminton, Serchhip Boxing Hall-ah Boxing, Leisekawt Field-ah Athletics leh Serchhip Indoor Stadium ah Judo, Taekwondo, Wrestling leh Weightlifting te khelh an ni ang.

A hawnna inkhawm neih zawhah infiammi ten an intihsiakna hmun tur theuh hi an pan nghal mai dawn a ni.