1678/2023-2024

Dated Serchhip, the 28th August, 2023: Kumin inthlanpui lo awm tur atana inbuatsaihna kal mekah vawiin khan District Level Media Certification and Monitoring Committee (MCMC) chu an Chairman Serchhip DC Pu David Lalthantluanga hovin a vawikhat nan Serchhip Meeting Hall-ah an thukhawm.

District Level MCMC meeting-ah hian Election Commission of India in kaihhruaina a siam zulzuia election kaihhnawih advertisement leh paid news chhuah chungchanga thu pawimawh ngaihtuah tur te sawiho a ni a. Mizoram Sawrkar Print Media Advertisement Rate hmanlai te, Cable TV Rate hrang hrang hmanlai te thlirho a nih hnuah Serchhip District chhunga advertisement rate tur an siam rem a ni.

Meeting ah hian Additional DC leh Election Officer bakah District Level Media Certification and Monitoring Committee member te - MJA aiawh, Central Media aiawh, social media expert leh District Information & Public Relations Officer te an tel a ni.