No.15/2021-2022

Dated Serchhip, the 3rd April, 2021: Vawiin hian District Election Officer's Media Centre hmalaknain DC Meeting Hall-ah Serchhip District Magistrate Pu Kumar Abhishek, IAS leh Superintendent of Police Pu Stephen Lalrinawma, MPS te chuan Joint Press Briefing an nei.

Pu Kumar Abhishek chuan, Bye election lo awm tura hmalakna hrang hrang tarlangin; inthlanna puan a nih rualin Model Code of Conduct viltu team te, Expenditure Monitoring team te Media Certification and Monitoring Committee te chuan hna an thawk nghal a, Static Surveillance team pathumte pawhin Gazette notification chhuah ni atangin hna an thawk tan ve leh nghal bawk a. Election atana thawktu inruat te, Model Code of Conduct leh Expenditure Monitoring training pawimawh te neih tawh niin, vawiin last date of withdrawal thlengin engkim tluang taka kalpui a ni, a ti a. Tun thlengin MCC bawhchhiatna lian tham a la awm lo niin a tarlang bawk.

Pu Kumar Abhishek hian, vote thlak nia Covid-19 laka himna tura Election Commission of India leh State sawrkar ruahmanna te engkim tha taka kalpui a nih tur thu pawh tarlangin, Polling Party te chu Covid-19 invenna hmanraw tulte pek an nih tur thu te, vote thlaktu mipuite tana Sanitizers chhawp a nih tur thute, voters kum 80 chunglam te tan te, PwD te tan te, Covid-19 patient leh quarantine-a awm mek te tana Postal Ballot facility buatsaihsak an nih tur thute, inthlan vote thlak hun chu zing dar 7 atanga tlai lam dar 6 inkar a nih thute a tarlang a, hei bakah hian he bye election atana Statutory Officers leh nodal officers te, election officials pawimawh dangte pawh a tarlang bawk. 

Vawiin last date of withdrawal niah tumah in-withdraw an awm loh thu tarlangin tun bye election ah hian candidate paruk an awm tur thu a tarlang a. Chung mite chu a hnuaia mi ang hi an ni:  

Pu Stephen Lalrinawma, MPS, Superintendent of Police, Serchhip pawhin dan leh thupek kenkawh kawnga Police hmalak dan tangpui sawiin, Polling Station tinah Police pahnih dah an nih tur thute, special drive an neih mek thute, constituency chhungah check post siam belh a nih tur thute leh hmalakna pawimawh dangte a tarlang bawk.

Media mi kal khawmte'n zawhna an neih hrang hrangte zawtin hun an hmang bawk a ni.

Vawiina District Magistrate leh Superintendent of Police Joint Press Briefing hi Pu Lalmuansanga Ralte, MCS, Addl. DEO, Pu Amol Srivastava, IAS, ARO, Pi C. Laltleipuii, SDO Sadaar, Pu PC Laltanpuia, Addl. SP, Pu Vanlalhmachhuana, MCS, EO, Pu K. Saitluanga, MIS, Nodal Officer for Media te'n an telpui a ni.