Vawiin Dt 29th January 2019 chawhma Dar 11:00am khan Pi. Sangchhin Chinzah (MCS), Serchhip District Bawrhsap chuan  a Pisa-ah  Serchhip District Official Website - serchhip.nic.in chu a duh leh mamawh apiangte tlawh theih turin a hawngin District Bawrhsap Pi Sangchhin Chinzah chuan hetianga hmasawnna rahbi pawimawh tak chhawpchhuah a lo ni ta  chu  lawmawm a tiin  District Website  chu buatsaih anihna ang taka tangkai taka hman anih ngei  a beisei thu  sawi a, he Website  hi  a bul tanna chauh  a la nih thu leh   hmabak tam tak a la awm thute , District Website tha leh changtlung neih chhoh   zelna  tur atan  Serchhip mipuite leh sawrkar Department hrang hrangte leh NGO-te thawhpuiah a sawm  nghal bawk a ni.

Vawiin a Serchhip District Website thar hawnna ah hian District Informatics Officer Pu. Lalruatmawia Zadeng, chuan  he website hi nikum ni 28th August, 2018 khan tlawh theih tura peihfel ni tawh mahse inthlan boruak avangin vawiin a tlangzarh  anih thu a sawi a, he website (serchhip.nic.in) puitlin anih theih nan  district bawrhsap leh a thawhpuite bakah Department hrang hrangten thahnemngai taka an tawiawm thute sawiin, Serchip District Website chu  National Informatics Centre (NIC) ten S3WaaS project hnuaiah GIGW (Guidelines for Indian Government Websites) mil thlapa standard sang tak neia an buatsaih  thu  leh   “Bilingual Website” - English leh Mizo tawng inkawp a engkim buatsaih anih thu a tarlang a, hemi chungchangah hian Pu. Vanneihtluanga (Lengzem) chuan nasa taka a tanpui thu a tarlang tel bawk.

Serchhip District Website thar hi  hmanraw hrang hrang - Computer, Tablet, Mobile phone-te hmanga awlsam leh remchang taka hman anih theihnan “Responsive Website” tih vek niin , pianphunga rualbanlo - mitdel te pawhin an hman theih nan “Screen Reader” a support a, mit fiah lo te tan pawh hawrawp (font) leh screen color-Contrast adjust vek theih tura duan  a ni a, Serchhp Distrct website tharah hian  district chanchin pawimawh hrang hrangte chhawpchhuah niin, a duh  apiangte tan en theih a ni a, hemi kawngah hian NIC te chuan hma an la  chhunzawm zel dawn a, District dangah pawh hmalak mek a ni bawk a ni.