1027/2023-2024

Dated Serchhip, the 4th July, 2023: Vawiin khan Serchhip Deputy Commissioner buatsaihin District Skill Competition, 2023 DC Conference Hall ah buatsaih a ni a, inelna chi liah district chhunga school pasarih atangin zirlai naupang 40 an tel.

He hunah hian Pi Nazuk Kumar, IAS, Deputy Commissioner chuan, hlawhtling turin inpekna tak tak nena beih a tul thin a, kan tih apiang kan hlawhtling nghal lo anih pawhin beidawng lova kan beih a tul thin. Hlawhchhamna pawh hi kan hringnun zirlai tha tak a ni tel tih i hrereng ang u, tiin naupangte a fuih a. Inelna hmachhawn tura lokalte chungah lawmthu sawiin duhsakna a hlan a ni.

Pu Vikas Walde, Mahatma Gandhi National Fellow, Ministry of Skill Development Entreprenuership pawhin thusawiin, he inelna hian naupangte thiamna haichhuah sak leh hmasawn zel tura buatsaih chu a tum a ni, a ti.

Inelna hi chi li heng : Zai (singing), Painting, Handicraft leh New Startup Idea Pitching ah te buatsaih niin a titha thlante hnenah lawmman tha tak hlan an ni.