2573/2022-2023
Dated Serchhip, the 9th November, 2022: Vawiin khan Serchhip District Electoral Roll Special Summary Revision, 2023 Draft Roll chu DC Meeting Hall ah District Election Officer Pi Nazuk Kumar, IAS chuan a tlangzarh.

Draft Roll tlangzarh taka a lan danin Serchhip district ah Voters 53326 awmin an zinga 419 hi Service Voters an ni a, Service voters a mi 416 hi mipa niin a dang 3 hi hmeichhia an ni. General Electors hi a vaiin mi 52907 an ni a, an zinga 25724 hi mipa niin a dang 27183 te hi hmeichhia an ni. Serchhip district chhungah hian Assembly Constituency bial pathum an awm a, 26- Serchhip (ST) AC ah hian voters 19966 awmin, 27 Tuikum (ST) AC ah voters 16523 an awm a, 28 Hrangturzo (ST) AC ah hian voter 16418 an awm a ni. Bial tinah hian mipa voters aiin hmeichhe voters an tam zawk vek a ni.

Draft Roll hi Party hrang hrang aiawhte hnenah District Election Officer hian a hlan nghal a ni.

Vawiin atang hian nakkum January ni 1 a kum 18 tling turte tana Roll a hming ziahluh theihna hun leh Roll a hming chuang tawh siam that, paih leh tihdanglam theihna hun December ni 8 thleng hawn zui nghal a ni a. Kaw tina Booth Level Officer ten an bial chhungah a umzui hna an kalpui ang. Sawiselna leh siamthat ngai dilna lutte hi December ni 26 ah ERO leh AERO ten an chingfel ang a, nakkum January ni 15 ah Final Publication neih tur a ni ang.