2572/2022-2023
Lunglei the 9th November' 2022: Vawiin chawhma khan Pu Donny Lalruatsanga Addl. Deputy Commissioner, Lunglei kaihhruaiin ama office chamber ah Lunglei DC Office hmalakna in Lunglei ah November 10-12 chhungin Lung lam leh Cancer natna a thlawna inentirna Cardiology leh Oncology Free Health Camp neih a ni dawn a, hemi atana ruahmanna leh hawnna neih dan tur sawi hovin meeting neih a ni.

Meeting chuan naktuk ni 10th November, 2022 dar 9:30AM ah Lunglei Civil Hospital, OPD ah hawnna inkhawm tawi neih tur a ni. Chairman Dr.SR. Ngurchamliana, Medical Superintendent, Civil Hospital, Inaugural Speech Pu Kulothungan A, IAS, Deputy Commissioner, Lunglei. Hawnna inkhawm zawh hian inentirna in chhunzawm a ni ang.

Free Health Camp hmalakna hi Corporate Social Responsibility (CSR) kaltlanga neih tur niin India ram hmun hrang hrang atangin Doctor leh medical lam thiam an lo kal dawn a ni. Free Health Camp hi Lunglei Civil Hospital OPD ah neih tur a ni a, screening lo ti lawk te tan November ni 10 ah hian inentirna buatsaih a ni dawn a. Inentir duh dangte tan November ni 11 & 12 ah te a duh apiang inentir theihna hun hawn a ni ang. He hun ah hian Lunglei District chhung mipui mai bakah District dang mipui a duh apiang te inentir theih a ni dawn a ni. In entir zinga zai mamawh an awm a nih chuan phai lama an inzai theih nan Rs 1,00,000 (Nuaikhat) theuh mi 30 tan tanpuina an pe thei bawk ang.