2571/2022-2023
Aizawl, the 8th November 2022: Vawiin chawhnu khan YMA hall, Luangmualah Luangmual Branch YMA Platinum Jubilee lawm a ni a. He hun hi Health Minister Dr R Lalthangliana chu khuallian niin a hmanpui a, Pu R Lalngheta, Central YMA President chu khualzahawm a ni thung.

He Platinum Jubilee pual a inkhawm buatsaih ah hian Minister chuan Luangmual Branch YMA in platinum jubilee an hmang thei chu a lawmawm a tih thu a sawi a. YMA, Mizo mipui te huapzo pawl ropui tak, kan harsatna kawng engkim a min chhawmdawl tu a awm chu a vanneihthlak hle a ni a ti.
Covid hrileng vanga kan harsat lai pawh a kan in nghah na ber pakhat chu YMA anih thu a sawi a. Mizo te chanchin a tha zawng a pho chhuak tu leh kan nih dan diktak chawi lang tu a ni a ti.

Health Minister chuan Zofate chu India ramah leh khawvel a langsar taka kan in pho chhuah a pawimawh a tih thu a sawi a, central sevice leh medical lama thiamna sang bik ah mizo te kan la tlem zia thu sawiin heng service pawimawh tak tak a kan tlin tam theih nan thalai te fuihna kawngah pawh YMA chuan hei ai a chak zawk hma la chhunzawm tura a duh thu a sawi a. YMA platinum jubilee a lo tel te chu Zonunmawi ti vula, chhawm nung reng turin a chah ani.

Dr.R.Lalthangliana hian Platinum Jubilee puala Souvenir buatsaih pawh he hunah hian a tlangzarh nghal a ni.Report a tarlan dan chuan Luangmual branch YMA hi pawl anga Civil Hospital Aizawl a thisen pe hmasa ber an ni a. kum - 1994, Sept. Ni 22, 23 leh 24 khan Civil Hospital Aizawl tan thisen pein, Unit-33 pein hemi kawngah hian hmahruaitu te zinga mi an ni.