No.2158/2021-2022
Dated Aizawl, the 8th September, 2021: Serchhip District Level Standing Committee on Rationalization of Polling Stations te chu vawiin khan an Chairman Pu Lalmuansanga Ralte, Addl. DC, DC Charge la mektu hovin DC Meeting Hall ah an thukhawm a, Polling Station thar pahnih siam belh leh Polling Booth Building pahnih sawn an rel.

Chairman chuan, Rationalization meeting chu Election Commission of India hun bituk mila kalpui ngai, online a neih rem chiah si lo a ni a, vawiinah kan sawmna ngaipawimawha member te leh Party hrang hrang aiawhte tha taka in lo kal avangin kan lawm hle a ni, a ti.

Meeting hian 27/13 Chhingchhip I Polling station chu voters awm zatin Election Commission duh dana voters awm tur zat a pelh hnaih avangin Polling Station thar pahniha then a rel a, 27/13 Chhingchhp I, Polling Booth atan Govt. P/S-I leh 27/14 Chhingchhip II, Polling Booth atan Govt. H/S Chhingchhip ah thendarh rem an ti tlang a ni. Hetiang bawk hian 28/22 N. Vanlaiphai I pawh, voters awm tur zat atana ECI duh chin a pelh hnaih avangin Polling Stations pahniha then an rel a, 28/22 N. Vanlaiphai I, Polling Booth atan Higher Secondary School leh 28/23 N. Vanlaiphai II, Polling Booth atan Govt. Oriental M/S ah te then an rel a ni.

26/10 Thenzawl X Polling Booth atana Govt. Standard M/S hman thin chu Govt. Lallengvunga High School ah sawn an rel a, 26/14 Serchhip IV Polling Booth ni mek Lalpuithanga Hall pawh Serchhip Kawnpui VC Hall ah sawn an rel bawk a ni.

Vawiina an thurelte hi thuneitu sang zawkin an lo enzui atan la thehluh leh tur a ni.

Meeting ah hian Pi Lalrinchhani Ralte, MCS, Election Officer te, Pu Amol Srivastava, IAS, ERO, Serchhip te, Pi Lalzikpuii, MCS, AERO, Serchhip, Pi F. Lalnisai, MCS, AERO, Tuikum bakah official pawimawh te, Party hrang hrang aiawhte an tel a ni.