No.2159/2021-2022

Aizawl the Mimkut thla ni 8, 2021: Vawiin khan Lai Autonomous District Council (LADC)-a Chief Executive Member (CEM) atana ruat thar Pu V. Zirsanga chu LADC Hall, Lawngtlaiah Bawrhsap Dr Andrew H. Vanlaldika chuan rinawmna thu tiamtirin a la lut.

CEM thar lak luh inkhawm hi LADC-a Executive Secretary Pu H. Lalramenga'n a kaihruai a. Rev. Zionvarmawia Fanchun-in hunserh hmangin, hun kaihruaitu ES-in sawrkar notification a chhiar chhuah hnuah Lawngtlai Bawrhsap chuan CEM thar hi thu a tiamtir a ni.

CEM a nih hnua a hmasa ber atan Pu V. Zirsanga chuan thu sawiin, a kaihhruai MNF Legislature Party chuan LADC-ah ram mipui huap zo sawrkar din tura theih tawp an chhuah tur thu a sawi a. MDC-te, political party, tlawmngai pawl leh LADC hnuaia thawktute leh ram mipuite chu sawrkar finchhuah a ngaihnaah thurawn pe hreh lo turin a ngen a ni.

Kumin August ni 26 khan LADC sawrkar ding lai Executive Committee chu 'no confidence motion' hmanga paih thlak niin, CEM thar atan MNF Legislature Party member, 17-Paithar MDC Constituency bialtu MDC Pu V. Zirsanga chu thlan a ni a. Mizoram Governor-in September ni 4, 2021-a a pawmpui hnuah vawiin khan CEM thar lak luhna hi buatsaih a ni ta a ni.