No.2160/2021-2022

Aizawl 8th September, 2021 : Vawiin khan DC Conference Hall, Mamit-ah Dr. Lalrozama, IAS, Chairman DLCC, Focus/ District Bawrhsap kaihhruainain kumin 2021-22 chhunga Focus Project kaltlanga Mamit District chhunga hmalakna hrang hrangte sawiho-a thlirletna hun neih a ni.

Chairman chuan Covid-19 hripui leng avanga Focus hnuaia hmalakna hrang hrangte thlira hunrei tak meeting neih theih a nih loh hnu-ah vawiina thutkhawm a ni thei ta chu lawmawm a tih thu sawiin kalkhawmte hnenah lawmthu a sawi a. Focus hnuaia hmasawnna hnathawhna tura Project hrang hrang kalpuitu Department te chu theihtawpa ngaihtuahna seng a, kuthnathawktute'n hlawhtlinna an hmuh ngei theihna tura thawk turin a chah a. Hrileng kara hmasawnna lawmawm tak tak hmuh tur awm chu lawmawm a tih thu a sawi bawk.

Mamit District Focus hmalakna hnuaiah hian khaw 73 tuam a ni a. Lead Farmer 73 awmin Community Animal Health Worker 72 leh Community Resource Person 6 an awm mek a ni.

Mamit District chhunga Focus kaltlanga hmalakna-ah hian Farmer Interest Group (FIG) din niin trade hrang hrang Better Jhum, Settled Agriculture, WRC/TRC, Landless, Value Chain, Community Conservation Area te niin FIG 736-ah Member 12751 an awm mek bawk.

Vawiin Meeting-ah hian Focus kaltlanga AH&Vety, Horticulture, Agriculture Department hnuaia hmalakna hrang hrang, hlawhtlinna leh hmachhawpte chipchiar taka a lem nen tarlan a ni a. Sawhthing, Aieng leh Mizo Chilli-ah te hmalakna kalpui mek niin hmalakna kal mekah hian duhkhawp loh lai leh hmachhawpte sawiho zui nghal a ni bawk.

Vawiin thutkhawmah hian Focus State Project atangin Pi Hmangaihzuali, Deputy Director, Horticulture, Lalmalsawma, Deputy Director, Agriculture, District Project Manager Focus DMU Mamit, Mamit District chhunga BDOs, Line Department-te bakah District Village Council Association President-te an tel a ni.

Attachment

  • Loading attachment...