No.2161/2021-2022

Aizawl 8th September, 2021 : Home Minister leh Hrangturzo bialtu nibawk Pu Lalchamliana chuan HSLC leh HSSLC, 2021 Examination-a a bial chhunga Zirna In leh Zirlai tithate hnenah lawmpuina sumfai a pe.

Hrangturzo Constituency atang hian Zirna In 100% pass leh Zirlai titha Distinction a pass te hetiang hian lawmpuina pek a ni.

1) High School pali (4) HSLC-a 100% pass te hnenah Rs. 20,000/- (Singhnih) theuh pek a ni a. HSLC distinction a pass Zirlai 26 te Rs. 2,000 (Sanghnih) theuh pek an ni.

2) HSSLC 100% pass thei School pathum (3) awmin Rs. 20,000/- (Singhnih) theuh a pe a. Distinction a pass Zirlai panga (5) hnenah Rs. 3,000/- (Sangthum) theuh a pe bawk.

Minister Pu Lalchamliana chuan Zirna hi ram hmasawnna hnuk hnai ber a nih avangin Sorkar pawhin hrileng karah theihtawp chhuahin zirlaite tan zirna tha kalpui dan tur a ngaihtuah thin a. Chutianga harsatna karah a bial chhung atanga zirlai leh zirna in engemawzatin hlawhtlinna hlu tak an hmu chu a lawmpui thu sawiin hmalam hunah hlawhtlinna sang zawk nei turin tan la zel turin duhsakna a hlan a ni. Minister chuan tunlai hrileng in a bial chhung ami - East Lungdar, Biate leh Keitum khua te a tuam mek chu pawi a tih thu leh damlo te chu lo dam thuai tura a duhsak thu a sawi bawk.

Zirna in leh zirlai tithate lawmpuina hi Bial chhunga Khawtlang hruaitute, zirna in hotute leh khawtlang hruaitute kaltlanga sem a ni.

Minister Pu Lalchamliana chuan VLTF kaltlangin CCC-ah a tul anga hman turin tanpuina sum hetiang hian a pe bawk.

1) CCC, Biate - Rs. 60, 000
2) CCC, East Lungdar - Rs. 40, 000