No.3310/2019-2020

Vawiin hian Serchhip District Level Task Force on Covid- 19 te chu DC Meeting Hall ah an Chairman Pu H. Dolianbuaia, MCS, District Magistrate hovin an thukhawm a. Mahni khaw bila lo inhung leh midang ngai theih lohna lam chi te, essential commodity phurtu lo dan te, thingtlang lama feh inkhap te leh uchuak taka lo khauh fal te rem an tih loh thu an rel.

Meeting chuan, District chhunga Village Level a Task Force, Lock Down a hlawhtlin theih nana hah taka thawktute zawng zawng chungah lawmthu a sawi a. Chutih rualin, Lock Down kan kalpui danah mipuite tana harsatna thlen tlem zawnga hmalak a tul thu sawiin, sawrkar thupek anga ni 14 chhung inkhung hran ngai te tha taka kan khung hran leh mipuite a him tawka inhlat (social distancing) tura tha taka kan inenkawl theih chuan; kan nitin mamawh thil te, leh ei leh bara rei zawk kan buai chhoh loh nan Village/Local Level Task Force  tena an lo zawm tur thil pawimawh hetiang hian a rel.

1. Mahni khaw bila lo inkharkhipa, khaw chhunga midang emaw lirthei eng chi mah luh lo khap ve ringawt loh ni se. An khaw chhungah din khawmuan emaw chawlh lhe riah te an remti lo a nih chuan chutiang khapna chu an siam a nih pawhin a hriat thiam theih a ni. Khawtinin mahni khua inkharkhip ve vek ila kan zavaiin kan tuar tlang thei a ni tih kan hriat tlan a ngai. Hei hian sawrkar thupek anga khar tur a tih hmun te erawh a huam tel lo a ni. 

2. Essential Commodity phurtute leh thawktute phei chu lo dan a rem lo.

3. Tun lai hi lo hal zawh hlim, Mangkhawh tul hun, Thlai chi thlak hun a nih avangin, khaw chhunga mi te chu, inkhung hrang tura tih (zin haw) an nih lem loh chuan; an lo lama hnathawk tura an kal lo khap sak hi a rem lova, a huna Thlai kan thlak loh te, Mang kan khawh loh te hian kumtluana kan ei bar zawnna a tih chhiat der theih avangin, district chhunga khawtinte lo inkhap lo tura tih an ni.

4. Khing a chunga thute khi Mizoram Chief Secretary pawhin a ngaipawimawh hle a, vawiina Video Conference, District tin authority te nena a neihnaah pawh a sawi lang a ni.

Heng a chunga rorel te hi a hlawhtlin theih nan, Serchhip district chhunga harsatna tawk apiangten chawp leh chilha an phone theih tur Magistrate Number tar chhuah a ni a. Harsatna tawk ten engtiklai pawhin biak theih an ni ang.

1.         Pi C. Lalduhzuali, MCS                                  -           8413058436

2.         Pu Vanlalhmachhuana, MCS,                        -           7005321078

3.         Pu Denny Lalchhuanawma, MCS                  -           9862359169

4.         Pu H. Lalhruaitluanga, MCS                           -           8131852226

5.         Pu Samuel  Zodinsanga, MCS                       -           9862409765

6.         District Helpline Number                                -           6033123750