Serchhip District chhunga Assembly Constituency pathum; 26 Serchhip (ST), 27 Tuikum (ST) leh 28 Hrangturzo (ST) Constituency-te aiawh tur MLA thlanna chu buaina awm lovin tluang taka zawh fel a ni a, hetiang hi vote tlak dan dinhmun kimchang (Final Report) chu a ni.

District chhunga vote thlaktu upa ber chu Pi Chuaitiali (K-101) Sailulak Polling Station, 28 Hrangturzo (ST) Constituency-a vote thlaktu a ni a, tin, District pumpuia vote tlak ṭhatna ber Polling Station chu 27 Tuikum (ST) Constituency chhung a mi, Buhkangkawn Polling Station a ni a, vote awm zawng zawng 55-ah vote 53 a tla a, chu chu za zelah 96.36 % a ni.