2484/2025-2026

Dated Serchhip, the 2nd December, 2025: Serchhip District Transformation Programme meeting chu vawiin khan DC Pu Paul L Khuma hoin DC Meeting Hall ah neih a ni.

Meeting-ah hian Pu Lalrinzuala, Addl DC chuan District Baseline Profile chungchang sawizauna hun a hmang a. Department hrang hrang ten an hmalakna tur leh hmathlir ziah lan loh an neihte kimchang zawka ziah lan dan tur inhrilhfiah a ni bawk.

District dinhmun zir chianna, "District Baseline Profile" (DBP) leh district chhung hmasawnna tur hmathlir, "District Transformation Vision" (DTV) te chu District tin te duang tura beisei an ni a. Sawrkar laipui leh State sawrkar kal tlanga hmasawnna hna thawh tur hrang hrangte chu hemi mil hian kalpui ṭhin a ni tawh dawn a ni. Department dang nen thawh hona ṭha (convergence) awm theihna tur leh khawtlang hmasawnna tur hma lakna thar te chu ngaih pawimawh a ni ang.
He meeting ah hian Department hrang hrang hotute an tel a. District Baseline Profile changtlung siam a nih theih nan District hmasawnna tur hmathlir (vision) leh data kimchang zawkin ni 5.12.25 ral hma ngeiin thehluh leh nise tiin meeting chuan a rel a ni.

DC Pu Paul L Khuma chuan ruahmanna (plan) siam nan data kimchang leh rintlak kan neih a pawimawh thu sawiin Mizoram District Transformation Programme in a tum ang ngeia plan tha kan buatsaih theih nan Department te tang ho turin a sawm a ni.