4810/2024-2025

Dated Serchhip, the 25^th March, 2025: Vawiin khan Serchhip District Ujjwala Committee te chu an Chairman Pu Paul L Khuma, Serchhip DC hoin Serchhip DC Meeting Hall-ah an thukhawm.

Pradhan Mantri Ujjwala Yojana (PMUY) hnuaiah hian Serchhip District ah hamthatna dawngtu mi 1891 an awm a. Heng zinga 15 te hian ei rawngbawlna gas an dawn hi vawikhat mah an la refill lo tih hriat a ni a. Heng la refill lo te hi dan angin an hamthatna chhuhsak theih an nih avangin Indian Oil Coporation (IOC) hotuten lehkha pein hriattir ni se, an ti a. Refill turin sum leh paia harsatna an nei a nih chuan biometric hmanga an nihna tichiangtu e-kyc an link chuan beneficiary an ni chhunzawm zel thei dawn a ni. Chuvangin, Committee chuan PMUY benefeciary zawng zawng te e-kyc tha taka tifel vek turin an ngen a ni.

PMUY hi sawrkar laipui Ministry of Petroleum and Natural Gas (MOP&NG) hnuaia hmalakna niin chhungkaw harsa BPL family a hmeichhia ten a thlawnin ei rawngbawlna gas connection an dawng a. Kum 2021 atang khan  Ujjwala Yojana 2.0 in chhunzawm a ni ta a ni.

Vawiin meeting-ah hian FCS&CA, MIZOFED leh IOC aiawhte an tel a ni.