4809/2024-2025

Dated Serchhip, the 25^th March, 2025: Vawiin khan Serchhip DC Pu Paul L Khuma hovin Serchhip DC Meeting Hall-ah District Road Protection Squad an thukhawm.

Group 4 ah inthenin Serchhip Road Protection te hian Serchhip khawpui chhunga kawngte hi a him tawk em tih leh vantlang tana hnawk thama kawngpui nek an awm em tih te an endik thin a. Group tin te hi bial hrang hrangah inthenin an bial theuha Village Council te phungbawmah sawmin an fehchhuak a. Vawiin meeting-ah hian an fehchhuah hnuhnun bera hma an lak dan te thlir ho a ni.

Team leader tin te hnen atanga report ngaihthlak a nih hnuhah Village Council member ten an veng huamchhung theuha an report te ngaihthlak a ni bawk a. Kawngpui kama lirthei hung te, kawngpui neka bungraw dah leh in sa te chu Inspection Team te hian insenghawi turin an hrilh nghal a. Heng zinga a tam zawk te chuan Inspection Team te ngenna hi an zawm a. Amaherawhchu, zawm duh lo an awm tih report a ni a, dan anga hmalak chhunzawm a ni dawn a ni.

DC chuan vantlang mipuite thatna tura hmalakna a ni tih hriain Road Protection Squad te ngenna ngai pawimawh turin mipuite a sawm a. Order hrang hrang DC in a tih chhuah thin te hi bawhchhia an lo awm a, complaint thehluh a ngai a nih chuan inthlahrung lo turin a chah a. Mimal tan ni lo khawtlang thatna tur a ni tih hre chungin tanho puiah a sawm a ni.

Road Protection Squad te hian April thla chhungin an bial an tlawhchhuak leh dawn a ni.