3151/2024-2025 

Dated Serchhip, the 22^nd November, 2024: 21st General Election to Village Council, 2025 inthlanna neih turah vawiin khan Serchhip District Election Officer Pu Paul L.Khuma, Serchhip DC chuan Draft Electoral Roll a tlangzarh. 

Draft Electoral Roll tlangzarhna hun hi DC Meeting Hall ah neih a ni a. DC Pu Paul L.Khuma chuan Electoral Roll publication pawimawhzia sawiin kan ram leh khawtlang humhalhna atana thil pawimawh a ni a, electoral roll dik leh felfai a awm theih nan kan fimkhur hle tur a ni, a ti a. Party hrang hrang hruaitute leh tlawmngai pawlte thawhpuiah a sawm a ni. 

Vawiina tlangzarh tak Draft Electoral Roll ah hian vote nei mipa 24205 leh hmeichhia 25554, an vaiin 49759 an awm a. January ni 1, 2022 behchhan a kum tling chinte dah luh niin; Siam that ngaite siam that hun atan November ni 25, 2024 atanga December ni 9, 2024 a ni ang. Roll-a thun belh turte hi January ni 1, 2025 a kum tling chinte an ni ang a, December ni 10, 2024 atanga December ni 19, 2024 chhungin paih ngaite paihin siam that hna thawh a ni anga, December ni 20, 2024 atanga January ni 4, 2024 chhungin Electorall print hna thawh niin, Final Electoral Roll hi January ni 8, 2025 ah tlangzarh tur a ni. 

Vawiin programme ah hian Election Officer Pi F. Lalnisai, AERO Hrangturzo Pu Peter Malsawmtluanga, AERO Tuikum Dr. Vanlalchhanhimi, AERO Serchhip Dr. Marilyn Lalruatkimi bakah party hrang hrang aiawh te, media mi te an tel a ni.