No.3559/2020-2020

Dated Serchhip, the 29th July, 2020: Vawiin chawhma dar 11:00 khan Pu Kumar Abhishek, IAS, District Election Officer chuan DC Meeting Room Serchhipah Village Council Electoral Roll, 2020 chu a tlangzarh.

Pu Kumar Abhishek chuan VC Electoral Roll, 2020 chu ni 13th March, 2020 atanga buatsaih tan niin, COVID 19 avangin an hmalakna te engemaw chen a kaihhlak a, boruak a ziaawm deuh hnuah hmalak chunzawm leh niin, ni 15th – 21st July, 2020 chhungin siam that ngaite siam that hna thawh a ni a, vawiin hian Final Roll tarchhuah theih a lo ni ta a ni, a ti a. He Roll ah hian mipa 22944 leh hmeichhia 24126 an vaiin vote nei 47070 an awm a, draft roll aia a tlem zawkna chu 170 a ni ta a ni. Roll buatsaih anih chhung hian hming 611 dah luh belh niin hming 781 paih anih thu a sawi bawk.

Pu Vanlalhmachhuana, Election Officer chuan VC Electoral Roll buatsaih anih dan chungchang sawiin, State Election Commision in database thar leh Portal thar an hman avangin tlemin kan inzir chawp deuhva, mahse ERO leh AERO te leh thawktute inpekna zara Roll thar felfai tak an nei thei chu lawmawm a tih thu a sawi a. He Roll tharah hian Serchhip district ah VC 54 kan nei dawn a, VC thar 4 siam belh niin - Darnam, Serchhip Chanmari, Chiahtlang South leh Vanchengte te a nih thu a sawi a, VC inthlan hun tur erawh sawi theih ala ni rih loh thu a tarlang a ni.

Vawiina VC Roll tlangzarhna ah hian hian district chhunga ERO leh AERO te bakah tlawmngai pawl hrang hrang aiawh, Political Party aiawhte leh chanchinbu mi aiawhte an tel a ni.