Serchhip District Election Officer Pi Juhi Mukherjee, IAS chuan vawiin chawhma dar 10:30 khan DC Meeting room-ah kan hma lawka Village Council inthlanpui lo awm tura Serchhip District chhunga Assembly Constituency pathum (Serchhip, Tuikum leh Hrangturzo) a hman tur Final Electoral Roll chu a tlangzarh a, Final Electoral Roll en duh chuan mahni bialtu ERO/AERO/VLO emaw, DC/DEO Office-ah ngaihven theih a ni.

Serchhip District chhunga Assembly Constituency pathuma Village Council Final Electoral Roll, 2015 dinhmun chu a tlangpuiin hetiang hi a ni:

(26) SERCHHIP CONSTITUENCY ah Village Council 16 awmin chenna In 4874 a awm a, Vote thlak thei 16,255 (mipa-7782, hmeichhia-8473) awmin Thenzawl East Village Council ah Vote nei (mipa leh hmeichhia) bakah chenna In a tam ber a; Vote nei 2426 (mipa-1176, hmeichhia-1250) awmin chenna In 774 a awm a, Vote nei (mipa leh hmeichhia) bakah Chhungkaw tlemna ber Village Council chu Neihloh niin Vote nei 209 (mipa-114, hmeichhia-95) awmin chenna In 54 a awm a ni.

(27) TUIKUM CONSTITUENCY ah Village Council 19 awmin chenna In 3818 a awm a, Vote thlak thei 14,666(mipa-7271, hmeichhia-7395) awmin Chhiahtlang (Vanchengte telin) Village Council ah Vote nei (mipa leh hmeichhia) bakah chenna In a tam ber a; Vote nei 2801 (mipa-1367, hmeichhia-1434) awmin chenna In 729 a awm a, Vote nei (mipa leh hmeichhia) bakah Chhungkaw tlemna ber Village Council chu Hmawngkawn niin Vote nei 121 (mipa-60, hmeichhia-61) awmin chenna In 31 a awm a ni.

(28) HRANGTURZO CONSTITUENCY ah Village Council 17 awmin chenna In 4291 a awm a, Vote thlak thei 15,024 (mipa-7455, hmeichhia-7569) awmin North Vanlaiphai Village Council ah Vote nei (mipa leh hmeichhia) an tam ber a; Vote nei 2418 (mipa-1180, hmeichhia-1238) awmin chenna In 653 a awm a, Chenna In erawh East Lungdarah tam berin 680 a awm thung a ni. Vote nei (mipa leh hmeichhia) bakah Chhungkaw tlemna ber Village Council chu Chekawn niin Vote nei 188 (mipa-97, hmeichhia-91) awmin chenna In 50 a awm a ni.

A zavaia khaikhawmin Serchhip District chhunga Assembly Constituency pathumah Village Council 52 awmin chenna In 12,983 a awm a, Vote thlak thei 45,945 (mipa-22,508, hmeichhia-23,437) an awm a ni.