Vawiin zing dar 9 : 30-a Kawlchaw “E” Village Council Member te leh khawtlang hruaitute kawmna aneih hnu chawhma dar 10:30 khan Dr. Hrisikesh Panda, Secretary, Ministry of Tribal Affairs, Government of India hovin D.C’s Conference Hall, Saiha-ah meeting neih a ni.

Meeting neih hma hian E.C.M. Veng MTP Branch te chuan amah chawnglawm nan Sawlakia an entir a, he meeting ah hian Saiha District chhunga Department hrang hrang hotute chuan sum indaihlohna vawnga harsatna an tawhte a hnenah thlenin heng an harsatna te hi a sutkian dan tur kawhmuhin a mah pawhin theihtawp chhuaha an harsatna te sutkianpui a tum thu a sawi bawk a ni.

Meeting ah hian bialtu MLA Dr K. Beichhua, Pu RT Zachono CEM, MADC te bakah Mizoram sawrkar hnuaia Department hrang hrang hotute, District Council hnuaia Department hrang hrang hotute, Tlawmngai Pawl hruaitute leh Chanchainbu mite an tel kim hle a ni.

D.C’s Conference Hall-a meeting neih zawh hnu hian District Hospital, Saiha a tlawha an harsatnate a hmunah en in theihtawp chhuaha tanpui a tum thu a sawi bawk a ni.