Vawiin hian Serchhip DC Meeting Room ah Pu Kumar Abhishek, IAS, District Bawrhsap hovin Serchhip District chhunga Covid-19 hri danna pek dan tur chungchang ngaihtuaha meeting neih a ni.

Bawrhsap chuan kan hnung karah khan he hri danna pek anih dan tur enchhina Vaccination Dry Run neih a nih tawh thu a sawi a. Dr. Laldawngliana Sailo, CMO Serchhip chuan inbuatsaihna te leh ruahmanna kalpui anih dan te sawiin, hri danna hi a hmasa berah chuan Health Workers, Frontline worker te leh Police te pek anni anga, an ni dawtah hian natna benvawn nei te leh kum 50 chin chunglam te pek an ni ang. Hri danna pekna tur tur hmun hi ngaihtuah mek niin, Vaccine vawn thatna tur te, a phurhchhuahna tur leh venhimna chungchang te pawh ngaihtuah a nih thu a sawi a. Hemi atan hian District-a thawktu te chu theihtawpa inbuatsaih turin Bawrhsap chuan a ngen a, hri danna pek thawh hnihna tur chungchang pawh thlir ho nghal a ni bawk a ni.

He meeting-ah hian Pu Lalmuansanga Ralte, Addl. DC bakah District Level Task Force member te an tel a ni.