1083/2022-2023 

Dated Serchhip, the 28th June, 2022: Vawiin khan Serchhip DC Meeting Hall-ah chhungkuaa eizawngtu ber boralte sawrkarin a chhawmdawlna National Family Benefits Scheme 2021-2021  dawng tur thlanna hi District NFBS  Selection Committee Chairman, Pu Lalmuansanga Ralte, Addl DC, bawrhsap mawhphurhna la mektu kaihhruaiin neih a ni a. Member Secretary  Pi F. Lalngaihawmi, District  Social Welfare Officer, Aizawl 'E'  chuan chhungkuaa eizawngtu ber a boral thulha chhawmdawlna he NFBS  scheme chungchang leh a dil dan kal hmang tlangpui a sawifiah a ni. National Family Benefits Scheme dil thei te chu Kum 18-59 inkar BPL, PHH leh APY Chhungkua, Ration Card a hming chuang, India khua leh tui dik tak an ni ngei tih finfiahna, Ration Card, Bank Account, Adhaar Card leh Voter ID nei an ni ngei tur a ni a. Chhungkuaa eizawngtu ber boral fate chu kum tlinglo an ni tur a nih bakah khawtlang pawhin he tanpuina hi dawng tlaka an ngaih te an ni ngei tur a ni bawk a ni.

Serchhip District ah 2021-22 chhung hian he Scheme hi mi 30 te hnenah pek tura ruahmanna siam a ni a, dilna hi 41 lutin chungte chu uluk taka an zirchian hnuah a dawng tlak mi 30 an thlang chhuak a ni. Heng mite tan hian Rs 600,000 sanction niin tanpuina dawng tura thlan mi 30 te hnenah Rs 20000 theuh an bank Account-ah a pek tur a ni. NFBS kaltlanga tanpuina hi mi pakhatin vawikhat bak a dil theih loh.

Vawiin Selection Board Meetingah hian member te Pu Lalduhoma, Bialtu MLA, DLAO Serchhip, Project Director, DRDA Serchhip, ICDS, Serchhip Project leh NGO aiawh Sub Hqrs YMA leh Sub Hqrs MHIP aiawhte an tel a ni