Pi Sangchhin Chinzah, District Magistrate, Serchhip District chuan ram dang atangin Serchhip District chhungah Vawk lak luh khap anih thu a hnuai ami ang hian thupek a chhuah -

District AH & Vety Officer, Serchhip District hnen atanga report kan dawn danin tunlai hian Serchhip khaw chhungah Vawk hri, Porcine Reproductive and Respiratory Syndrome (PRRS) a leng mek nia rinhlelh a ni a. Hemi hri leng avanga Serchhip mipuite tan buaina/harsatna a thlen loh nan, Section 144 Cr Pc hmanga khapna thupek chhuah hi thil tul tak, tih loh theih lohah ka ngai a ni.

Chuvangin, Kei, SANGCHHIN CHINZAH, MCS, DISTRICT MAGISTRATE, SERCHHIP DISTRICT chuan Sec 144 of Code of Criminal Procedure 1973 in thuneihna min pek angin Serchhip District huam chhungah mi tumahin ram dang (Foreign Country), a bik takin Myanmar atangin VAWK an la lut tur ani lo tih thupek ka chhuah e.

He thupek zawm lo chu Section 188 IPC dan hmangin hrem theih an ni ang.

He thupek hi vawiin Dt. 26^th March, 2018 hian District Magistrate Seal chhu-a nemnghetin hming ka ziak hnan e.