Vawiin chawhma dar 10:00 khan DC & Chairman, District Level NLUP Implementing Committee, Serchhip District thar Pu P. Lalchhuanga, MCS hovin Serchhip-a NLUP Line Department hotute chu kum 2010- 2011 chhunga NLUP Beneficiaries, 1st instalment pawisa dawng tawhte hmalak dan leh an hnathawh dan enfiahna leh endikna (Monitoring & Verification) chungchang relin an thukhawm a, hemi chungchanga Line Department 8-te hmalak tawh dan report ngaihthlak anih bakah hma lak chhoh zel dan tur chi hrang hrang chhawpchhuah a thlirho a ni a. Line Department ten DC & Chairman, District Level NLUP Implementing Committee, Serchhip District hnena 'Monthly Report' an thehluh tur chungchang pawh he hunah hian relho a ni bawk. Serchhip District huamchhung khaw hrang hranga Village Level NLUP Monitoring Committee-te hnathawh dan tur leh an mawhphurhna pawh ngun taka thlirho leh zirho a ni bawk.