Chief Minister Pu Lal Thanhawla chuan 'thing tiak tam tak phun ai chuan a puitlin tir hi a hlawhtlinna a ni' a ti. He thu hi vawiina Tanhrila Mizoram University Multipurpose Hall-a Green Mizoram Day 2011 hmannaa a sawi a ni.
Chief Minister chuan global warming avang leh ramngaw kan tih chereute siam tha leh thei tur hian thingtiak kan phunte hi a nun thata a puitlin ngei theih nan, tha taka enkawl chhoh a tul a ni a ti a. Thing phun mai nilovin, tuchhuan lokal leh zel tur te tan awmna tlak leh ro tling tur kan siam a ni tih hria a, a enkawl naah nung tha ngei tura hma kan lak a ngai a ni a ti. Kawngpui sira thing kan phun, puitling mai tur tam tak, lo hal avanga kangchhe thinte hi ram leilung fa ten a ven hna kan thawh angai a ni a ti a. Ram leilung fa nilo ten min rawk mekna te do tur leh chutiang laka inveng tura hma la turin ringtu kan nihna hi rim taka kan hman a ngai a ni a ti.
Kumhmasa lama thing tiak department leh pawl ang tea kan phun te, 100 % hlawhtlinna hmute an awm chu a phur awm hle a ni Pu Hawla chuan a ti a. Hei hian tha taka thing phun nun a pawimawhzia a tilang a, a lawmawm hle a ni a ti.
State Level Committee on Green Mizoram 2011 Vice Chairman Pu H.Rohluna, E&F Minister chuan Mizoram hi hmun hring nuam taka siam tur hian thing tiak phun hi a tawk mai lova, chuvang chuan sorkarin kalphung thar siamin community reserve te, supply reserve leh safety reserve te humhalh turin Forest Division 6 ah cheng vaibelchhe 1 dah a ni a ti.
Mizoram University Vice Chancellor Prof. R.Lalthantluanga chuan thing tiak kan phun rual hian boruak tha, sik leh sa duhawm kan neih theih nana ramngaw te leh thing leh mau humhalh pawimawhzia hi sawidarh a, mipuite zirtir hi a pawimawh zawk maha a hriat thu a sawi bawk a. Ramngaw tichereutu, tlangram loneih bansan anih theih nana sorkarin NLUP a kalpui mek chu a hlawhtlin ngei a beisei thu a sawi bawk a ni.
Inkhawm zawh hian Chief Minister te nupa hian Multipurpose Hall kawtah thingtiak an phun ve ve a. Mi pawimawh dang ten hemi hall chhehvelah thingtiak an phun ve bawk a ni. Vawiina thingtiak phun zawng zawng hi species hrang hrang 1500 a ni a. Thing tiak hi cheng 1500 chawiin a sponsor theih bawk a ni. Green Mizoram Day hman tan kum 1998 atanga kum 2009 thleng khan thing tiak 16,50,855 phun tawh a ni.
Hemi ni hian Fire Prevention Award 2011 chu Chief Minister hian hlanin, Lunglei District chu ti tha berin, lawmman Trophy, certificate leh cheng 20,000 an dawng a; Aizawl District chu 2-na niin certificate leh Rs. 15,000 dawng bawkin, Serchhip District chu 3-na niin, certificate leh Rs. 10,000 an dawng a ni. Heng bakah hian district tina khaw 3 ti tha zualte hnenah lawmman, certificate leh pawisa fai Rs. 10,000, Rs. 7,000 leh Rs. 5,000 theuha hlan an ni bawk.
Kumhmasa lama thing tiak department leh pawl ang tea kan phun te, 100 % hlawhtlinna hmute an awm chu a phur awm hle a ni Pu Hawla chuan a ti a. Hei hian tha taka thing phun nun a pawimawhzia a tilang a, a lawmawm hle a ni a ti.
State Level Committee on Green Mizoram 2011 Vice Chairman Pu H.Rohluna, E&F Minister chuan Mizoram hi hmun hring nuam taka siam tur hian thing tiak phun hi a tawk mai lova, chuvang chuan sorkarin kalphung thar siamin community reserve te, supply reserve leh safety reserve te humhalh turin Forest Division 6 ah cheng vaibelchhe 1 dah a ni a ti.
Mizoram University Vice Chancellor Prof. R.Lalthantluanga chuan thing tiak kan phun rual hian boruak tha, sik leh sa duhawm kan neih theih nana ramngaw te leh thing leh mau humhalh pawimawhzia hi sawidarh a, mipuite zirtir hi a pawimawh zawk maha a hriat thu a sawi bawk a. Ramngaw tichereutu, tlangram loneih bansan anih theih nana sorkarin NLUP a kalpui mek chu a hlawhtlin ngei a beisei thu a sawi bawk a ni.
Inkhawm zawh hian Chief Minister te nupa hian Multipurpose Hall kawtah thingtiak an phun ve ve a. Mi pawimawh dang ten hemi hall chhehvelah thingtiak an phun ve bawk a ni. Vawiina thingtiak phun zawng zawng hi species hrang hrang 1500 a ni a. Thing tiak hi cheng 1500 chawiin a sponsor theih bawk a ni. Green Mizoram Day hman tan kum 1998 atanga kum 2009 thleng khan thing tiak 16,50,855 phun tawh a ni.
Hemi ni hian Fire Prevention Award 2011 chu Chief Minister hian hlanin, Lunglei District chu ti tha berin, lawmman Trophy, certificate leh cheng 20,000 an dawng a; Aizawl District chu 2-na niin certificate leh Rs. 15,000 dawng bawkin, Serchhip District chu 3-na niin, certificate leh Rs. 10,000 an dawng a ni. Heng bakah hian district tina khaw 3 ti tha zualte hnenah lawmman, certificate leh pawisa fai Rs. 10,000, Rs. 7,000 leh Rs. 5,000 theuha hlan an ni bawk.
Attachment
- Loading attachment...
